Дэлхийн гэрэл зургийн өдөр
2020/08/19
Дэлхийн гэрэл зургийн өдрийг тохиолдуулан зөвхөн энэ өдөр #Mongoliatoday хаштаг-аар сошиалд оруулсан нийт гэрэл зурагчдын уран бүтээлээс шилдэг нэг бүтээлийн эзнийг шалгаруулж тусгай шагналаар урамшуулна.
Гэрэл зураг бол хүн төрөлхтний бүтээсэн хамгийн гайхамшигт бүтээлийн нэг. Гэрэл зургаар түүхэн үйл явдал, сонирхолтой агшин, үзэсгэлэнт байгаль, спорт урлагийн ялалт гээд хэзээ ч дахин давтагдахгүй агшинг буулгаж чаддаг. Гэрэл зургийн ачаар бид өнгөрсөн үед аялаж, амьдралынхаа сайхан үеүүдийг дурсан санадаг билээ.
Тийм болохоор гэрэл зураг хэмээх урлагт зориулсан баярын өдөр байдагт гайхах зүйл үгүй. Бүх дэлхийн гэрэл зургийн өдрийг (World Photography Day) сонирхогч, мэргэжлийн гэрэл зурагчдаас эхлэн энэ урлагийг үнэлэн бишрэгч бүх хүн тэмдэглэдэг юм. 2009 оноос эхэлсэн энэ баярын өдрийг жил бүрийн наймдугаар сарын 19-нд тэмдэглэн өнгөрүүлдэг. Алс тэртээ 1839 оны наймдугаар сарын 19-нд олон нийтэд анх удаа гэрэл зураг буулгах аргыг танилцуулж байсан гэдэг. Ингээд дэлхийд алдартай түүхэн гэрэл зургуудаас сонирхоцгооё.
Цэргийн сурвалжлагч Евгений Халдей. “Рейхстагийн оройд Улаан туг мандлаа”
Нагасаки хотод америкчууд атомын бөмбөг хаяснаас гуравхан минутын дараа авсан зураг. Гэрэл зурагчны нэр тодорхойгүй.
Нацист Германы СС-ийн дарга Генрих Гиммлер хорих лагерьт. Гэрэл зурагчны нэр тодорхойгүй.
Дэлхийн II дайны төгсгөлийг харуулсан бас нэгэн гэрэл зураг. “LIFE” сэтгүүлийн зурагчин Альфред Эйзенштадт.
Нью-Йоркийн Рокфеллер цамхгийг барьж байгаа ажилчдын өдрийн хоол. 1932 онд авсан алдарт энэ зургийн эзэн бас мэдэгдэхгүй байгаа.
Гэрэл зурагчин Гектор Рондонд энэ зураг Пулитцерийн шагнал авчирсан. 1962 онд Венесуэлийн Пуэрто-Кабельо хотод болсон бослогын үеэр мэргэн буучид оногдсон цэргийг түшиж байгаа санваартан Луис Падильо.
“Афганистаны Моно Лиза” хэмээх энэ зураг дэлхий дахинд цагаач, дүрвэгчдийн эмгэнэлийг илтгэн харуулсан билээ. Зурагчин Стив МакГарри.
1954 оны есдүгээр сарын 9-ний шөнө Нью-Йоркт болсон киноны зураг авалтын үеэр зурагчин Мэтти Зиммерманы буулгаж амжсан кадр.
1960 онд болсон нэгэн хурал дээр зурагчин Альберто Кордагийн авсан зураг. Алдарт хувьсгалч Че Геварагийн энэ зураг дэлхийд хамгийн олон хувь тархсан зураг гэж тооцогддог.
Орчуулсан М.Сугар-Эрдэнэ / http://ub.life/
.jpg)
